سکسکه
ناصر داوران
اوره‌یین تیر ـ تیر اسیر
گؤزونون ایچینده
سئوگی‌می
قورخومو یوخسا؟
یاغیش یاغیر
اوخودوغون ماهنیلاردا
اپریمیش شه‌هرین
بویالی ویترینلرینده
ماتیکلی محبت ساتیرلار.
قاناییر آغاجلارین یاشیللیغی
ایچینده قیلینج اوینادان
خزل‌لیکدن.
اؤپوشدن دوغان شرابین
قانادیندا گلن
اینسان سوراغلی اسینتی‌لر
ایتیب باتیر
مئشه‌نین اوجقارلارینادک یول آچان
گلمه قیزدیرمالاردا.