بو گون میلیون‌لارین آد گونو
بو گون مئشه‌لریمیز آراز طالعینده
بو گون قیزیل مرمى‌نین دیل آچدیغى گون
قافلان‌لارین بیر مملکت ماهنىلاشما گونو
سکوتا پارتلایان یوخ گونودور.
ایندن بئله
یاغبش یاغاندا
تورپاغین بطنینده یومروق تومورجوقلاناجاق
ایندن بئله
اوجادان دانیشماق
قایدایا چئوریلیب بایراق اولاجاق
ایندن بئله
ال‌لریمیز
اولدوز دوشونه‌جک
بولاق دوشونه‌جک.
بو گون شرابى گؤروش‌لرین پروازلاندیغى گون
بو گون سیاهکل گونودور.