آی، چیچک، یاغیش
گون آیدین
سئویرم سنی
حیات
شراب
اورتاقلیق …
کیم اوغورلاییب بونلاری؟
سؤزلوک‌لرین گؤزه‌للییینه
سؤزجوک‌لرینه
خسته‌لیک یول آچیب
یادداشیمیز باش آلیب گئدیر
بونجا یارارسیزلیغیندان.
شیطانین الی وار بو ایشده
کلمه‌لری آلدادیب
یؤنلدیر اوچوروم‌لارا
دانیشاندا بعضی جمله‌لر بیتیشمیر.
دوشونمک ایسته‌سن آرخایینلیغی
الی قمه‌لی قارانلیق
گوونسیز آغاج‌لارین
یوخوسونا بالتا دولدوراجاق
عبرت اولسون دئیه
بدعت قویان‌لارا.
غربته سالما سؤزومو
بیر گون داریخاجاقسان
الی قمه‌لی قارانلیغا دا.
۱۴۰۱/۰۵/۱۸