من سنی سئومیرم
بونون باشقا معناسی یوخ
یوزولماز دا بئله.
قوی خیاوانی بورنوندا دانیشانلار
آرخا دورسونلار
قورخودان آدام اؤلدورن
گئنرال برادرلره،
سنین چوخ یاشاماغینا.
بیری داش آتیر گونشه
بیری قارانلیق اؤیره‌دیر اولدوزا.
کؤله‌لیک بو رئال دونیانین
آغریسی‌دیر سا
کؤله‌لر، دونیانین کؤله‌لییینه چالیشیرلار
گؤره بیلمیرلر اون‌بئش یاشیندا
ایییرمی یاشیندا آزادلیغی
خیالی گئرچکدن سئچه بیلمیرلر.
ساده سؤز:
یاساق آرزولارین
شهید دیلینه داریخا بیلمه‌ینلر
سئوگی‌نین مهربان هجالارین
هاردان باشا دوشه‌جک‌لر؟
باشقا دیلده دئییرم:
نه سن بو یئرلی‌سن
نه سنین دالیندا ناماز قیلانلار.
ییغیشدیر چول پالازینی!
07/09/1401