یوللار
خایین کی دئییل
یوللارین بیر باشی سیزین ائو.
خایین دئدییین ائله بو قاردیر
یئنیلمز
و سویوق
اللریمیزه قنیم
گؤروشلریمیزه قنیم.
یالان دئییر اینانما ها
دؤنه‌جه‌یم بیر داها
آغ یئلین قانادیندا
آرخامجا نه هرجایی قورخو
نه شبهه‌لی کؤلگه‌لر
جئب تلفونوم
اؤزومونکو یالنیز.
قورخودان کی دوست چیخماز
قورخو، پیچاق،
ایرینلی باخیش لار،
تبریزین یوز ایل سونراکی متروسونون
دوراقلاریندا زیبیل قوخویان
آرالیق پیشیک‌لری.
گلیرسن سه
بئینینده چیچک گل
قولتوغوندا کیتاب.