تروریست ملت

آلتی یاشی وار
آلتمیش یاشی
اوچ آیلیق‌دیر
ائله دوغولدوغو گوندن
بو سس ده وار
تئز ـ تئز اونونلا گئجه‌له‌ییب
وطن یوخوسون یاریمچیق قویور
زیتون یوخوسون یاریمچیق
کتاب یوخوسون یاریمچیق.
همیشه بئله‌دیر ائله
خسته خانالاردا
مکتب حیط‌لرینده.
بونلار مدنیتی قورویان‌لار
بونلار صلح اردوسو
بونلار عدالتین یییه‌سی.
گمیچی‌نین گؤزون چیخارماق کی مان دئییل
بایراق نه‌یینه گره‌کدیر
بو تروریست ملتین؟